കാസര്‍കോട്: മിനിലോറിയിടിച്ച് പരിക്കേറ്റ് ചികിത്സയിലായിരുന്ന വെളിച്ചപ്പാടന്‍ അന്തരിച്ചു. ഇരിയണ്ണി സ്വദേശിയും വര്‍ഷങ്ങളായി പൂച്ചക്കാട് ആലക്കോടന്‍ വീട്ടില്‍ താമസകാരനുമായിരുന്ന വൈ. കൃഷ്ണന്‍ വെളിച്ചപ്പാടന്‍ (61) ആണ് മരിച്ചത്. നവംമ്പര്‍ 9 ന് രാത്രി 7.30 ന് പൂച്ചക്കാട് തീരദേശപാതയിലെ സീബ്രാ ലൈനില്‍ റോഡ് മുറിച്ചു കടക്കുമ്പോഴാണ് മിനിലോറിയിടിച്ചത്. തുടര്‍ന്ന് പരിയാരം മെഡിക്കല്‍ കോളേജില്‍ ചികിത്സയിലിരിക്കെ വ്യാഴാഴ്ച പുലര്‍ച്ചെയാണ് മരണം. നിരവധി ക്ഷേത്രങ്ങളില്‍ വെളിച്ചപ്പാടന്‍ എന്ന നിലയില്‍ സുപരിചിതനായിരുന്നു കൃഷ്ണന്‍. ഭാര്യ: വാസന്തി(ജി.എം.യു.പി.സ്‌കൂള്‍ പളളിക്കരയിലെ ഹെല്‍പ്പര്‍). മക്കള്‍: ചാന്ദിനി, സന്ധ്യ. മരുമക്കള്‍: ജയചന്ദ്രന്‍, മധു. സഹോദരങ്ങള്‍: ജാനകി, കാര്‍ത്ത്യായനി, ഓമന (റിട്ട. ഹെഡ് നേഴ്സ് ), സരോജനി (നേഴ്സ് ). ശവസംസ്‌കാരം വ്യാഴാഴ്ച വൈകുന്നേരം കുടുംബ വീടായ ഇരിയണ്ണിയില്‍ നടക്കും.
ചന്തേരയില്‍ വന്ദേഭാരത് എക്‌സ്പ്രസ് തട്ടി വയോധികന്‍ മരിച്ചു
Wednesday, 4 June 2025, 17:48
