കായംകുളം: ടിപ്പര് ലോറിയിടിച്ച് രണ്ട് യുവാക്കള് മരിച്ചു. മാവേലിക്കരയ്ക്കടുത്തെ പെരിങ്ങിലിപ്പുറം കാട്ടുതറയിലെ മാനവ്(18), ആദിത്യന്(16) എന്നിവരാണ് മരിച്ചത്. മാനവ് സംഭവ സ്ഥലത്തു തന്നെ മരിച്ചിരുന്നു. ആദിത്യനെ ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഇന്ന് പുലര്ച്ചെ രണ്ടുമണിയോടെ മാവേലിക്കര മീച്ചല് ജംഗ്ഷനടുത്താണ് അപകടം.
മാവേലിക്കരയില് നടന്ന ഫുട്ബോള് മത്സരത്തില് പങ്കെടുത്തശേഷം സുഹൃത്തിനെ വീട്ടിലെത്തിച്ച് മടങ്ങുകയായിരുന്നു ഇവര്. പെരിങ്ങിലിപ്പുറത്തെ മധു- സവിത ദമ്പതികളുടെ മകനാണ് മാനവ്. ഇതേ സ്ഥലവാസികളായ രതീഷ്- സൗമ്യ ദമ്പതികളുടെ മകനാണ് ആദിത്യന്.
