ന്യൂഡല്ഹി: ആവശ്യപ്പെട്ട ഭക്ഷണം നല്കാന് വിസമ്മതിച്ചതിന് മാതാവിനെ 12 വയസ്സുകാരന് കയ്യേറ്റം ചെയ്യുന്നതിന്റെ ദൃശ്യങ്ങള് സമൂഹ മാധ്യമങ്ങളില് പ്രചരിക്കുന്നു. വീടിനുള്ളില് നിന്ന് പകര്ത്തിയ ദൃശ്യമാണ് പുറത്തുവന്നതെന്നാണ് വിവരം. ദൃശ്യത്തില് അമിത വണ്ണമുള്ള ഒരു ആണ്കുട്ടി മാതാവിനോട് കൂടുതല് ഭക്ഷണം ആവശ്യപ്പെടുന്നു. എന്നാല് മാതാവ് ഇനി ഭക്ഷണമില്ലെന്ന് പറഞ്ഞ് കുട്ടിയെ പറഞ്ഞയക്കുന്നു. ഇതോടെ ദേഷ്യം വന്ന കുട്ടി മാതാവിനെ കയ്യേറ്റം ചെയ്യുന്നതാണ് ദൃശ്യങ്ങളില് കാണുന്നത്. മാതാവ് കുട്ടിയെ ശാന്തനാക്കാന് ശ്രമിക്കുന്നുണ്ടെങ്കിലും അതെല്ലാം കുട്ടി അവഗണിക്കുന്നതും മാതാവിനെ തള്ളിയിടുന്നതും കാണാം.
ദൃശ്യങ്ങള് പുറത്തുവന്നതിന് പിന്നാലെ കുട്ടിയുടെ അമിത വണ്ണത്തിനെതിരെയും മാതാവിനോടുള്ള പെരുമാറ്റത്തിനെതിരേയും വ്യാപക വിമര്ശനങ്ങള് ഉയര്ന്നിട്ടുണ്ട്. ചിലര് കുട്ടിയെ വിമര്ശിക്കുകയല്ല വേണ്ടത് മറിച്ച് നല്ല ഉപദേശം നല്കുകയാണ് വേണ്ടതെന്ന നിര്ദേശം പങ്കുവയ്ക്കുന്നു. ഇത്തരം സന്ദര്ഭങ്ങളില് ശിക്ഷയേക്കാളുപരി കൃത്യമായ കൗണ്സിലിംഗും ചികിത്സയുമാണ് വേണ്ടതെന്ന് ആരോഗ്യവിദഗ്ധരും മുന്നറിയിപ്പ് നല്കുന്നു.
