മട്ടന്നൂർ: കണ്ണൂർ വിമാനത്താവളത്തിൽനിന്ന് മസ്കറ്റ്, ഷാർജ, ജിദ്ദ എന്നിവിടങ്ങളിലേക്ക് ഏപ്രിൽ നാലുവരെ പ്രത്യേക വിമാന സർവീസുകൾആരംഭിക്കുന്നു.
മസ്കറ്റ് സർവീസ് ബുധൻ, വെള്ളി ദിവസങ്ങളിലാണ്. കണ്ണൂരിൽ നിന്ന് വൈകിട്ട് ആറിന് പുറപ്പെടുന്ന വിമാനം രാത്രി എട്ടിന് മസ്കറ്റിലെത്തും. മടക്കയാത്ര രാത്രി 9.10-ന് മസ്കറ്റിൽ നിന്ന് തിരിച്ച് പുലർച്ചെ 2.20-ന് കണ്ണൂരിൽ എത്തും.
ഷാർജയിലേക്ക് ദിവസവും സർവീസ് ഉണ്ടാകും. രാവിലെ 8.10-ന് കണ്ണൂർ വിടുന്ന വിമാനം 10.30-ന് ഷാർജയിൽ ലാൻഡ് ചെയ്യും. മടക്കം പ്രാദേശിക സമയം 11.30-ന് . വൈകിട്ട് അഞ്ചിന് കണ്ണൂരിലെത്തും.
ജിദ്ദ സർവീസ് ചൊവ്വ, ശനി ദിവസങ്ങളിൽ മാത്രം. രാവിലെ 6.30-ന് കണ്ണൂരിൽ നിന്ന് പുറപ്പെട്ട് രാവിലെ 10-ന് ജിദ്ദയിൽ എത്തും. മടക്കയാത്ര പ്രാദേശിക സമയം 11-ന് . രാത്രി 7.30-ന് കണ്ണൂരിൽ തിരിച്ചെത്തും.
പശ്ചിമേഷ്യൻ യുദ്ധത്തെ തുടർന്ന് കണ്ണൂർ വിമാനത്താവളത്തിൽ നിന്നുള്ള അന്താരാഷ്ട്ര സർവീസുകൾ നേരത്തെ നിർത്തിവെച്ചിരുന്നു.