കാസര്കോട്: ഏപ്രില് ഒന്പതിനു നടക്കുന്ന നിയമസഭാ തെരഞ്ഞെടുപ്പ് സുരക്ഷയ്ക്കായി നാലു കമ്പനി പൊലീസ് കൂടി ജില്ലയില് എത്തി. 90 പേരടങ്ങിയ രണ്ടു കമ്പനി മഹാരാഷ്ട്ര പൊലീസും 80 പേര് വീതമുള്ള രണ്ടു കമ്പനി താമിഴ്നാട് പൊലീസുമാണ് ജില്ലയില് എത്തിയത്. തമിഴ്നാട് പൊലീസിനു പെരിയ, കുണിയയിലെ എമിന് സ്കൂളിലാണ് ക്യാമ്പ് ഒരുക്കിയിട്ടുള്ളത്. മഹാരാഷ്ട്ര പൊലീസിനു നീലേശ്വരത്തും ഉപ്പളയിലുമാണ് താമസ സൗകര്യം ഒരുക്കിയിട്ടുള്ളത്. രണ്ടു കമ്പനി ബി എസ് എഫ് നേരത്തെ ജില്ലയില് എത്തിയിരുന്നു. ഇതോടെ നിയമസഭാ തെരഞ്ഞെടുപ്പു സുരക്ഷയ്ക്ക് എത്തിയ പുറമെ നിന്നുള്ള സേനയുടെ എണ്ണം ആറു കമ്പനിയായി. അടുത്ത ദിവസം തന്നെ ഇന്ഡോ ടിബറ്റ് ബോര്ഡര് പൊലീസ്, സി ആര് പി എഫ് എന്നിവരും ജില്ലയില് എത്തും.
ചെറുവത്തൂര്, മയ്യിച്ചയില് യുവാവ് അണക്കെട്ടില് വീണു മരിച്ചു
Thursday, 26 March 2026, 12:35
