കാസര്കോട്: ചെറുവത്തൂര്, വെങ്ങാട്ട്, മയ്യിച്ചയില് യുവാവ് അണക്കെട്ടില് വീണു മരിച്ചു. മയ്യിച്ച, വണ്ണാത്തംവളപ്പിലെ കെ പി മോഹനന്റെ മകന് വി വി ഷാജി (44)യാണ് മരിച്ചത്. ബുധനാഴ്ച രാത്രി 8.10 മണിയോടെ വീടിനു സമീപത്തെ അണക്കെട്ടില് വീഴുകയായിരുന്നു. ഉടന് ആശുപത്രിയില് എത്തിച്ചുവെങ്കിലും ജീവന് രക്ഷിക്കാന് കഴിഞ്ഞില്ല. രാത്രി വീട്ടിലേയ്ക്ക് നടന്നു വരുന്നതിനിടയില് അബദ്ധത്തില് വീഴുകയായിരുന്നുവെന്നു സംശയിക്കുന്നു. സംഭവത്തില് ചന്തേര പൊലീസ് കേസെടുത്ത് അന്വേഷണം ആരംഭിച്ചു. പെയിന്റിംഗ് തൊഴിലാളിയാണ് ഷാജി. മാതാവ്: യശോദ.
മഞ്ചേശ്വരത്തെ എസ്ഡിപിഐ സ്ഥാനാര്ത്ഥി പത്രിക പിന്വലിച്ചു
Thursday, 26 March 2026, 13:58
