കല്പ്പറ്റ: വയനാട് സുല്ത്താന് ബത്തേരിയില് വീടിന് തീപിടിച്ച് വയോധികന് മരിച്ചു. ഭാര്യയെ ഗുരുതരാവസ്ഥയില് ആശുപത്രിയില് പ്രവേശിപ്പിച്ചു. സുല്ത്താന് ബത്തേരി പുത്തന്വീട് കൃഷ്ണന്കുട്ടിയാണ് മരിച്ചത്. തീപിടുത്തത്തിന്റെ കാരണം വ്യക്തമായിട്ടില്ല. തീപിടുത്തത്തില് വീടിന്റെ കിടപ്പു മുറിയടക്കം പൂര്ണമായും കത്തിനശിച്ചു.
വീടിന് തീപിടിക്കുന്നത് കണ്ട അയല്ക്കാരാണ് ഫയര്ഫോഴ്സിനെ വിവരം അറിയിച്ചത്. ഫയര്ഫോഴ്സ് എത്തുമ്പോഴേക്കും സമീപവാസികളെത്തി തീകെടുത്താന് ശ്രമിക്കുകയും വൃദ്ധദമ്പതികളെ ആശുപത്രിയിലെത്തിക്കുകയും ചെയ്തു. ഗുരുതരമായി പരിക്കേറ്റ കൃഷ്ണന്കുട്ടി ആശുപത്രിയിലെത്തും മുമ്പ് മരിച്ചു. അപകടത്തെ കുറിച്ച് അന്വേഷിക്കുമെന്ന് പൊലീസ് പറഞ്ഞു.
