പത്തനംതിട്ട :മന്ത്രി വീണാ ജോർജിനെ വീണ്ടും സ്ഥാനാർത്ഥിയാക്കരുതെന്ന് ഭർത്താവ് ജോർജ് ജോസഫ് സിപിഎം നേതൃത്വത്തോട് ആവശ്യപ്പെട്ടതായി സൂചന. എന്നാൽ ഇവരെ സ്ഥാനാർത്ഥിയാക്കാൻ തീരുമാനിച്ചെന്നും തീരുമാനത്തിൽ നിന്ന് പിന്മാറാൻ സിപിഎമ്മിന് ആവില്ലെന്നും നേതൃത്വം നിലപാട് എടുത്തിട്ടുണ്ടെന്ന് പറയുന്നു. വ്യാഴാഴ്ച ചേരുന്ന സിപിഎം സംസ്ഥാന കമ്മിറ്റിയും സെക്രട്ടറിയേറ്റും ഇക്കാര്യത്തിൽ തീരുമാനം എടുക്കുമെന്ന് അറിയുന്നു. അതേസമയം മന്ത്രിയുടെ തിരഞ്ഞെടുപ്പ് പ്രചരണത്തിന് ചുക്കാൻ പിടിക്കാൻ അഞ്ചംഗ പിആർ ടീമിനെ നിയോഗിച്ചിട്ടുണ്ട്. കഴിഞ്ഞദിവസം രണ്ടു പൊതു പരിപാടികളിൽ മന്ത്രി പങ്കെടുത്തിരുന്നു .