കൊച്ചി: ഫ്ളാറ്റില് അതിക്രമിച്ച് കയറി മോശമായി പെരുമാറിയെന്ന യുവതിയുടെ പരാതിയില് സൂപ്പര് ഹിറ്റ് സിനിമ മഞ്ഞുമ്മല് ബോയ്സിന്റെ സംവിധായകന് ചിദംബരത്തിനെതിരെ എറണാകുളം സൗത്ത് പൊലീസ് ലൈംഗികാതിക്രമ കേസ് ഫയല് ചെയ്തു. സ്ത്രീയുടെ അഭിമാനത്തെ അപമാനിക്കാനുള്ള ഉദ്ദേശത്തോടെയുള്ള ആക്രമണം, സ്ത്രീകളെ മോശമായി സ്പര്ശിക്കല് എന്നീ കുറ്റങ്ങളാണ് ചുമത്തിയിരിക്കുന്നത്.
2022 ല് ആണ് കേസിനാസ്പദമായ സംഭവം നടന്നതെന്ന് പരാതിയില് പറയുന്നു. എറണാകുളത്തെ ഫ്ളാറ്റില് അതിക്രമിച്ച് കയറി ലൈംഗിക ഉദ്ദേശത്തോടെ പെരുമാറി എന്നാണ് പരാതി. വിശദമായ പരിശോധനകള്ക്ക് ശേഷം തുടര്നടപടികള് സ്വീകരിക്കുമെന്നു പൊലീസ് അറിയിച്ചു.
