കാസര്കോട്: മുലപ്പാല് തൊണ്ടയില് കുടുങ്ങിയതിനെ തുടര്ന്നാണെന്നു പറയുന്നു, 50 ദിവസം പ്രായമായ കുഞ്ഞ് മരിച്ചു. കുമ്പള പൊലീസ് സ്റ്റേഷന് പരിധിയിലെ മൊഗ്രാല്, പേരാല് മഡിമുഗറിലെ മുഹമ്മദ് റാഹിദ്-മറിയമത്ത് സാബിറ ദമ്പതികളുടെ മകന് ലസിന് ഇമാത് ആണ് മരിച്ചത്. സഹോദരന്: സയാന്. തിങ്കളാഴ്ച രാത്രിയാണ് സംഭവം. അവശനിലയിലായ കുഞ്ഞിനെ ജനറല് ആശുപത്രിയില് എത്തിച്ചുവെങ്കിലും രക്ഷിക്കാനായില്ല. മൃതദേഹം മോര്ച്ചറിയിലേക്ക് മാറ്റി.
കഴിഞ്ഞ ദിവസം ബേക്കല് പൊലീസ് സ്റ്റേഷന് പരിധിയിലും സമാനരീതിയില് ഒരു കുഞ്ഞ് മരിച്ചിരുന്നു. ബേക്കല്, ഹദ്ദാദ് നഗറിലെ റസീന മന്സിലിലെ കെ. മുഹമ്മദ് ഹനീഫയുടെ മകന് ലിദാന് ഫാര്മിയാണ് മരിച്ചത്. രാത്രി 11 മണിയോടെ കുഞ്ഞിന് അനക്കമില്ലാത്ത നിലയില് കണ്ടതിനെ തുടര്ന്ന് ആശുപത്രിയില് എത്തിച്ചുവെങ്കിലും ജീവന് രക്ഷിക്കാന് കഴിഞ്ഞില്ല. സംഭവത്തില് ബേക്കല് പൊലീസ് അസ്വാഭാവിക മരണത്തിന് കേസെടുത്തിരുന്നു.
കേളുഗുഡ്ഡെ, കുച്ചിക്കാട്ടെ ലളിത അന്തരിച്ചു
Tuesday, 3 February 2026, 11:49
