കാസര്കോട്: കുമ്പളയിലെ ടോള് ബൂത്ത് വിരുദ്ധ പോരാട്ട നായകന് എകെഎം അഷ്റഫിനെയും മറ്റും അറസ്റ്റു ചെയ്ത് മാറ്റുകയും സമരപ്പന്തല് പൊളിക്കുകയും ചെയ്തതില് പ്രതിഷേധിച്ചു വിവിധ സ്ഥലങ്ങളില് പ്രവര്ത്തകര് പ്രകടനവും കേന്ദ്ര മന്ത്രി നിധിന് ഗഡ്ഗരിയുടെ കോലം കത്തിക്കുകയും ചെയ്തു. സീതാംഗോളിയില് നടന്ന പ്രകടനത്തിനും കോലം കത്തിക്കലിനും ലീഗ് നേതാക്കന്മാരായ അസീസ് കളത്തൂര്, വിപി അബ്ദുല് ഖാദര്, ഇ.കെ മുഹമ്മദ് എന്നിവരും സിപിഎം നേതാവ് സിഎ സുബൈറും നേതൃത്വം നല്കി. ടോള് ബൂത്ത് സംബന്ധിച്ച കേസ് ഹൈക്കോടതി ഇന്നു പരിഗണിക്കുന്നുണ്ട്. കേസ് പരാതിക്കാര്ക്ക് എതിരായാല് അതിനെതിരെ സുപ്രിം കോടതിയെ സമീപിക്കുമെന്നു പറയുന്നു.
