തിരുവനന്തപുരം: ആസ്മ രോഗത്തിന് ആയുര്വേദ തുള്ളി മരുന്ന് ചികിത്സയുണ്ടെന്ന് സാമൂഹ്യമാധ്യമങ്ങളിലൂടെ പ്രചാരണം നടത്തിയ ഡോക്ടര്ക്ക് സംസ്ഥാന മെഡിക്കല് കൗണ്സില് 50,000 രൂപ പിഴയിട്ടു. പത്തനംതിട്ട എന്പി ആയുര്വേദ ആശുപത്രിയിലെ ഡോ. കെ.സി സിദ്ധാര്ഥനെതിരെയാണ് മെഡിക്കല് കൗണ്സിലിന്റെ നടപടി. കേരള സാഹത്യ പരിഷത്തിന്റെ പൊതുജനാരോഗ്യ കൂട്ടായ്മയായ കാപ്സ്യൂള് കേരള നല്കിയ പരാതിയിലാണ് നടപടി.
ആസ്മ രോഗത്തിന് കേരളത്തില് 25 കേന്ദ്രങ്ങളില് ചികിത്സ ലഭ്യമാണെന്നും പ്രമേഹം, തൈറോയിഡ്, കാന്സര്, ആസ്മ, ബ്രെയിന് ട്യൂമര്, ലിവര് സിറോസിസ്, രക്തസമ്മര്ദം, അലര്ജി രോഗങ്ങള്, വെരിക്കോസ് തുടങ്ങിയ രോഗങ്ങള്ക്ക് ചികിത്സയുണ്ടെന്നും സിദ്ധാര്ഥന് സമൂഹ മാധ്യമങ്ങളിലൂടെ പ്രചരിപ്പിച്ചിരുന്നു.
