മംഗളൂരു: പണത്തിനായി 16 കാരിയായ മകളെ വേശ്യാവൃത്തിക്ക് കൊണ്ടുപോയ കേസില്‍ പിതാവും അമ്മൂമ്മയും ഉള്‍പ്പെടെ പത്തുപേര്‍ അറസ്റ്റിലായി. കര്‍ണാടകത്തിലെ കാടൂരിലാണ് ഞെട്ടിക്കുന്ന സംഭവം റിപ്പോര്‍ട്ട് ചെയ്തിരിക്കുന്നത്. പെണ്‍കുട്ടിയെ മംഗളൂരുവില്‍ എത്തിച്ചാണ് പലര്‍ക്കും കാഴ്ചവച്ചത്. ഇതിന് ഒത്താശ ചെയ്തത് പെണ്‍കുട്ടിയുടെ പിതാവിന്റെ മാതാവാണെന്നാണ് പുറത്തുവരുന്ന വിവരം. ആറു ദിവസത്തോളം പെണ്‍കുട്ടി നിരവധി പേരുടെ പീഡനത്തിനിരയായി. അതിനിടെ പെണ്‍കുട്ടി അമ്മാവനെ വിവരമറിച്ചതോടെയാണ് സംഭവം പുറത്തുവന്നത്. പിതാവ് ഉള്‍പ്പെടെ പത്തുപേര്‍ക്കെതിരെ പോക്‌സോ വകുപ്പുകളാണ് ചുമത്തിയിരിക്കുന്നത്. മാതാവ് മരിച്ച 16 കാരിയാണ് പീഡനത്തിനിരയായത്.