ന്യൂഡല്ഹി: ലോകത്ത് ആദ്യം പുതുവര്ഷത്തെ വരവേറ്റ് കിരിബാത്തി ദ്വീപ്. പസഫിക് സമുദ്രത്തിലെ ദ്വീപ് രാഷ്ട്രമായ റിപ്പബ്ലിക് ഓഫ് കിരിബാസിലെ ക്രിസ്മസ് ഐലന്റിലാണ് ആദ്യം പുതുവര്ഷം പിറന്നത്. ഇന്ത്യന് സമയം വൈകിട്ട് മൂന്നരയ്ക്കാണ് പുതുവത്സരം പിറന്നത്. ഇന്ത്യന് സമയം നാലരയോടെ ന്യൂസിലാന്ഡിലും പുതുവര്ഷമെത്തും.
ഇന്ത്യന് സമയം വൈകിട്ട് അഞ്ചരയോടെ ഫിജിയിലും റഷ്യയുടെ ചില പ്രദേശങ്ങളിലും ആറരയോടെ ഓസ്ട്രേലിയയിലെ മെല്ബണിലും സിഡ്നിയിലും കാന്ബെറയിലും ഏഴരയോടെ ക്യൂന്സ് ലാന്ഡിലും എട്ടരയോടെ ജപ്പാനിലെ ടോക്കിയോയിലും ദക്ഷിണ കൊറിയയിലെ സോളിലും വടക്കന് കൊറിയയിലെ പ്യോങ്യാങ്ങിലും ഒമ്പതരയോടെ ചൈനയിലും 2026 ന് തുടക്കമാകും.
ഇന്ത്യന് സമയം പുലര്ച്ച അഞ്ചരയോടെയായിരിക്കും യുകെയിലെ പുതുവര്ഷാഘോഷം. രാവിലെ പത്തരയ്ക്കായിരിക്കും അമേരിക്കന് പുതുവര്ഷം. ഏറ്റവും അവസാനം പുതുവര്ഷമെത്തുന്നത് അമേരിക്കയിലെ ജനവാസമില്ലാത്ത ബേക്കര് ദ്വീപ്, ഹൗലാന്ഡ് ദ്വീപ് എന്നിവിടങ്ങളിലാണ്.
