ഷാർജ: ഷാർജ കെഎംസിസി ചെങ്കള പഞ്ചായത്ത് കമ്മിറ്റിയുടെ ഒരു വർഷം നീണ്ടുനിന്ന ചെങ്കളീയൻ ഫെസ്റ്റ് സമാപന സംഗമം മെഹ്ഫിൽ രാവോടെ നാളെ (19 വെള്ളി ) കെഎംസിസി ഹാളിൽ സമാപിക്കും.ത്രിതല പഞ്ചായത്ത് തെരഞ്ഞെടുപ്പിൽ പഞ്ചായത്തിൽ പാർട്ടി മത്സരിച്ച മുഴുവൻ വാർഡിലെ വിജയാഘോഷവും ഫാമിലി മീറ്റും ഗ്രീൻസ്റ്റാർ മിഡിൽ ഈസ്റ്റ് ടീമിന്റെ മുട്ടിപ്പാട്ടും സംഗമത്തിന് മറ്റുകൂട്ടും. 2025 ജനുവരി 1ന് ചെങ്കള പഞ്ചായത്ത് മുസ്ലിം ലീഗ് ഓഫീസിൽ സംസ്ഥാന മുസ്ലിം ലീഗ് ട്രഷറർ സി ടി അഹമ്മദലിയാണ് ഫെസ്റ്റ് ഉദ്ഘാടനം ചെയ്തത്. ചെങ്കളിയൻ ഫെസ്റ്റിൽ 12 പരിപാടികാൽ ഇതിനിടയിൽ നടത്തി.നസീമു റഹ്മ സർഗ്ഗ വേദി, സ്വാശ്രയം സാംസ്കാരിക സദസ്സ്, ഇൻആശ് ജല യാത്ര,നാളെ നടക്കുന്ന മെഹ്ഫിൽ രാവ്, സല്യൂട്ട് എജു കെയർ സേവ സമ്മാൻ എന്നിവ അതിൽ പ്പെടുന്നു. കാസർകോട് മണ്ഡലം മുസ്ലിം ലീഗ് വൈസ് പ്രസിഡന്റ് മഹമൂദ് എം എ എച്ച് സമാപന സംഗമത്തിൽ മുഖ്യാതിഥിയായിരിക്കും. ഷാർജ കെഎംസിസി സംസ്ഥാന- ജില്ല-മണ്ഡലം- പഞ്ചായത്ത് നേതാക്കന്മാർ സംബന്ധിക്കും.