പി പി ചെറിയാൻ
ഡാലസ്: ഫോറസ്റ്റ് ലെയ്‌നിലെ വാൾമാർട്ട് സ്റ്റോറിന്റെ പാർക്കിംഗ് ഏരിയയിൽ ബുധനാഴ്ച വൈകിട്ടുണ്ടായ വെടിവയ്പ്പിൽ ഒരാൾ മരിചു. രണ്ട് പേർക്ക് പരിക്കേറ്റു . സംഭവം പ്രദേശവാസികളെ ഞെട്ടിച്ചു .
രണ്ട് മുതിർന്ന സ്ത്രീകൾക്ക് വെടിയേൽക്കുകയും അവരെ ഉടൻ തന്നെ പ്രാദേശിക ആശുപത്രികളിലേക്ക് മാറ്റുകയും ചെയ്തു. ഇവരുടെ നിലയെക്കുറിച്ച് കൂടുതൽ വിവരങ്ങൾ ലഭ്യമല്ല.
വെടിവയ്പ്പുമായി ബന്ധമുള്ളയാളെന്ന് സംശയിക്കുന്ന മൂന്നാമതൊരാൾ സംഭവസ്ഥലത്തെ ഒരു വാഹനത്തിനുള്ളിൽ മരിച്ച നിലയിൽ കാണപ്പെട്ടു. ഇയാളുടെ വാഹനത്തിൽ നിരവധി ആയുധങ്ങൾ പോലീസ് കണ്ടെത്തിയിട്ടുണ്ട്.
മരിച്ച വ്യക്തിക്ക് നേരെ ആരാണ് വെടിയുതിർത്തതെന്ന് പോലീസ് സ്ഥിരീകരിച്ചിട്ടില്ല.
സംഭവം നടന്ന ഉടൻ തന്നെ കടയിലുണ്ടായിരുന്നവർ ഓടി രക്ഷപ്പെട്ടു. ഡാലസ് പോലീസ് അന്വേഷണം തുടരുകയാണ്.ആക്രമണത്തിന്റെ കാരണം വ്യക്തമല്ല
