ആലപ്പുഴ: അരൂരില് മേല്പ്പാലത്തിന്റെ ഗര്ഡറുകള് തകര്ന്നുവീണ് അപകടം. ഗര്ഡറിനടിയില് കുടുങ്ങിയ പിക്കപ്പ് വാന് ഡ്രൈവര് മരിച്ചു. ഹരിപ്പാട് പള്ളിപ്പാട് സ്വദേശി രാജേഷാണ് മരിച്ചത്. പുലര്ച്ചെ മൂന്ന് മണിയോടെയാണ് അപകടം. അരൂര് തുറവൂര് ഉയരപ്പാത നിര്മാണം നടക്കുന്ന എരമല്ലൂര് തെക്കുഭാഗത്ത് ഗര്ഡറുകള് സ്ഥാപിക്കുമ്പോള് ജാക്കിയില് നിന്ന് തെന്നിമാറി കോണ്ഗ്രീറ്റ് ഗര്ഡറുകള് നിലം പതിച്ചാണ് അപകടമുണ്ടായത്. മൂന്ന് മണിക്കൂറുകള്ക്ക് ശേഷമാണ് ഡ്രൈവറുടെ മൃതദേഹം പുറത്തെടുക്കാന് സാധിച്ചത്. ഗര്ഡറിന്റെ ഒരു ഭാഗം ക്രെയിനുകള് ഉപയോഗിച്ച് ഉയര്ത്തിയാണ് വാഹനം പുറത്തെടുത്തത്. സംഭവത്തിന് പിന്നാലെ ദേശീയപാതയില് ഗതാഗത നിയന്ത്രണം ഏര്പ്പെടുത്തിയിട്ടുണ്ട്. രണ്ട് ക്രെയിനുകളെത്തിയാണ് നിലവില് രക്ഷാപ്രവര്ത്തനം നടത്തുന്നത്. നേരത്തെയും ഉയരപ്പാത നിര്മാണത്തിനിടെ ഗര്ഡര് തകര്ന്നിരുന്നു. ഓഗസ്റ്റിലും മാര്ച്ചിലുമായിരുന്നു ഗര്ഡര് തകര്ന്നത്.
പനയാല് കോട്ടപ്പാറയിലെ പ്രമുഖ കര്ഷക ഉച്ചിര അമ്മ അന്തരിച്ചു
Sunday, 21 December 2025, 10:32
