കണ്ണൂര്‍: കാടാച്ചിറ സെക്ഷന്‍ ഓഫീസിലെ കെ എസ്.ഇ.ബി ഉദ്യോഗസ്ഥന്‍ മമ്പറം പുഴയില്‍ ചാടി മരിച്ചു. സീനിയര്‍ സൂപ്രണ്ട് എരുവട്ടി പാനുണ്ട സ്വദേശി കെ.എം. ഹരീന്ദ്രനാണ് മരിച്ചത്. പതിവുപോലെ ശനിയാഴ്ച്ച രാവിലെ ഓഫീസിലേക്ക് പുറപ്പെട്ടതായിരുന്നു.
മമ്പറം പഴയ പാലത്തിന്റെ മുകളില്‍ നിന്നും ആളുകള്‍ നോക്കി നില്‍ക്കേ പുഴയിലേക്ക് ചാടുകയായിരുന്നു.
അഞ്ചരകണ്ടി പുഴയുടെ ഭാഗമായ മമ്പറത്തൂടെ ഒഴുകുന്ന നല്ല അടിയൊഴുക്കുള്ള പുഴയിലാണ് ഇയാള്‍ ചാടിയത്. അതുകൊണ്ടുതന്നെ രക്ഷാപ്രവര്‍ത്തനം ഏറെ ദുഷ്‌കരമായിരുന്നു. നാട്ടുകാര്‍ വിവരമറിയിച്ചതിനെ തുടര്‍ന്ന് ഫയര്‍ഫോഴ്‌സ് നടത്തിയ തെരച്ചിലിലാണ് മൃതദ്ദേഹം കണ്ടെത്തിയത്. പൊലിസ് ഇന്‍ക്വസ്റ്റ് നടത്തി മൃതദേഹം പോസ്റ്റുമോര്‍ട്ടം നടപടികള്‍ക്കായി ആശുപത്രി മോര്‍ച്ചറിയിലേക്ക് മാറ്റി.