കണ്ണൂർ: ശ്രീകണ്ഠപുരം സബ് രജിസ്ട്രാർ കുഴഞ്ഞുവീണ് മരിച്ചു. ഉളിക്കൽ പരിക്കളത്തെ മൈലപ്രവൻ എം.എൻ. ദിലീപ് (47) ആണ് മരിച്ചത്. പനിയെത്തുടർന്ന് ശനിയാഴ്ച ഉളിക്കലിലെ സ്വകാര്യ ആശുപത്രിയിൽ സ്വന്തമായി കാർ ഓടിച്ചു വരികയും അവിടെ എത്തിയ ഉടനെ കുഴഞ്ഞു വീഴുകയുമായിരുന്നു. സുഹൃത്തുക്കൾ ഇരിട്ടിയിലെ മറ്റൊരു ആശുപത്രിയിൽ എത്തിക്കുമ്പോഴേക്കും മരിച്ചിരുന്നു. ഉളിക്കൽ, പേരാവൂർ, ഇരിട്ടി സബ് രജിസ്ട്രാർ ഓഫീസുകളിലും ജോലി ചെയ്തിട്ടുണ്ട്. സംസ്കാരം ഞായറാഴ്ച ഉച്ചയോടെ നടക്കും.ഭാര്യ: സുജിന. മകൾ: വേദ.സഹോദരങ്ങൾ: സുദീപ്, സന്ദീപ്.