തിരുവനന്തപുരം: കമ്യൂണിസ്റ്റ് നേതാവും മുന്‍ മുഖ്യമന്ത്രിയുമായിരുന്ന ഇഎംഎസ് നമ്പൂതിരിപ്പാടിന്റെ
മകള്‍ ഡോ. മാലതി ദാമോദരന്‍ അന്തരിച്ചു. 87 വയസായിരുന്നു. ശാസ്തമംഗലം മംഗലം ലെയിനിലുള്ള വീട്ടില്‍ ശനിയാഴ്ച പുലര്‍ച്ചെ മൂന്നരയോടെ ആയിരുന്നു അന്ത്യം. വാര്‍ധക്യസഹജമായ അസുഖങ്ങളെ തുടര്‍ന്ന് ചികിത്സയിലായിരുന്നു. വെല്ലൂരില്‍ ശിശുരോഗ വിദഗ്ധയായി സേവനം ചെയ്തിരുന്നു. വിരമിച്ച ശേഷം ശാസ്തമംഗലത്തെ ശ്രീരാമകൃഷ്ണ മിഷന്‍ ആശുപത്രിയിലും ജോലിചെയ്തിരുന്നു. സംസ്‌കാരം ഉച്ചയ്ക്ക് 12ന് തിരുവനന്തപുരം ശാന്തികവാടത്തില്‍. ഡോ. എഡി ദാമോദരന്‍ ആണ് ഭര്‍ത്താവ്. മക്കള്‍: സുമംഗല, ഹരീഷ് ദാമോദരന്‍. ഇ എം രാധ, ഇഎം ശ്രീധരന്‍, ഇഎം ശശി എന്നിവര്‍ സഹോദരങ്ങളാണ്.
ഓടിക്കൊണ്ടിരിക്കെ മീന് വണ്ടി കത്തി നശിച്ചു; സംഭവം മൊഗ്രാല് പുത്തൂര് ദേശീയപാതയില്
Thursday, 9 October 2025, 14:20
