കാസര്‍കോട്: വീട്ടിലെ ഷെഡ്ഡില്‍ പാര്‍ക്കു ചെയ്തിരുന്ന കാറിന്റെ ചില്ല് തകര്‍ത്ത നിലയില്‍. മഞ്ചേശ്വരം, ബപ്പായിത്തൊട്ടി റോഡിലെ ഇ എം സൈനുദ്ദീന്റെ കാറിന്റെ പിന്‍ഭാഗത്തെ ചില്ലാണ് തകര്‍ത്തത്. ഇഷ്ടിക ഉപയോഗിച്ചാണ് ചില്ലു തകര്‍ത്തതെന്നു സംശയിക്കുന്നു. 15,000 രൂപയുടെ നഷ്ടം കണക്കാക്കുന്നു. വെള്ളിയാഴ്ച രാത്രി 11.30 മണിയോടെയാണ് സംഭവം. സൈനുദ്ദീന്റെ പരാതിയില്‍ സമീര്‍ എന്നയാള്‍ക്കെതിരെ മഞ്ചേശ്വരം പൊലീസ് കേസെടുത്തു.