കാസര്‍കോട്: വലിയപറമ്പ് ബീരാന്‍ കടവില്‍ എട്ടാം ക്ലാസ്സ് വിദ്യാര്‍ത്ഥി പുഴയില്‍ മുങ്ങി മരിച്ചു. ബീരാന്‍ കടവിലെ നിസാറിന്റെയും സമീറയുടെയും മകന്‍ ഇഎംപി മുഹമ്മദ് (13) ആണ് മരിച്ചത്. ഇളമ്പച്ചി ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ എട്ടാം ക്ലാസ് വിദ്യാര്‍ത്ഥിയാണ്. ശനിയാഴ്ച ഉച്ചയ്ക്ക് 12 മണിയോടെയാണ് സംഭവം. കൂട്ടുകാര്‍ക്കൊപ്പം പുഴയില്‍ മീന്‍പിടിക്കാനെത്തിയതായിരുന്നു മുഹമ്മദ്. ചൂണ്ടയിട്ട് മീന്‍ പിടിക്കുന്നതിനിടെ അബദ്ധത്തില്‍ പുഴയില്‍ വീഴുകയായിരുന്നു. തൃക്കരിപ്പൂരില്‍ നീന്നും ഫയര്‍ഫോഴ്സ് എത്തി കുട്ടിയെ പുറത്തെടുത്ത് ആശുപത്രിയില്‍ എത്തിച്ചുവെങ്കിലും മരിച്ചിരുന്നു. വിവരമറിഞ്ഞ് തൃക്കരിപ്പൂരിലെ ആശുപത്രിയില്‍ ജനങ്ങള്‍ തടിച്ചുകൂടി. മൃതദേഹം പരിയാരം കണ്ണൂര്‍ ഗവ.മെഡിക്കല്‍ കോളേജ് മോര്‍ച്ചറിയിലേക്ക് മാറ്റി.
കൊടിയമ്മ നുസ്റത്തുല് ഇസ്ലാം സംഘം വാര്ഷിക പരിപാടികള്ക്ക് തുടക്കമായി
Saturday, 20 September 2025, 16:51
