കാഞ്ഞങ്ങാട്: കാഞ്ഞങ്ങാട്, ബല്ല, അത്തിക്കോത്ത് സി പി എമ്മിന്റെയും ഡിവൈ എഫ് ഐയുടെയും കൊടികള്‍ നശിപ്പിച്ചതായി പരാതി. സി പി എം പ്രവര്‍ത്തകന്‍ ബി കൃഷ്ണന്‍ നല്‍കിയ പരാതിയില്‍ നാലുപേര്‍ക്കെതിരെ ഹൊസ്ദുര്‍ഗ്ഗ് പൊലീസ് കേസെടുത്തു. അത്തിക്കോത്തെ ബി ജെ പി- ബാലഗോകുലം പ്രവര്‍ത്തകരായ സുനി, ശ്രീജിത്ത്, മനോജ്, കണ്ടാല്‍ അറിയാവുന്ന മറ്റൊരാള്‍ എന്നിവര്‍ക്കെതിരെയാണ് കേസ്.
ഞായറാഴ്ച രാത്രി ഏഴരമണിയോടെയാണ് സംഭവം. അത്തിക്കോത്ത് അയ്യപ്പ ഭജനമന്ദിരത്തിനു റോഡരുകില്‍ സ്ഥാപിച്ചിരുന്ന പതാകകളാണ് നശിപ്പിക്കപ്പെട്ടത്.
