കാസര്‍കോട്: സ്‌കൂട്ടര്‍ നിയന്ത്രണം വിട്ട് മറിഞ്ഞ് വിദ്യാര്‍ഥി മരിച്ചു. ഒപ്പം സഞ്ചരിച്ച സുഹൃത്തിന് പരിക്കേറ്റു. ബേഡഡുക്ക ബേളന്തടുക്ക ഹൗസിലെ സി കൗശിക് നാഥ്(19) ആണ് മരിച്ചത്. സ്‌കൂട്ടറിന് പിന്നിലിരുന്ന സുഹൃത്ത് കൈലാസിന് പരിക്കേറ്റു. വെള്ളിയാഴ്ച രാത്രി ഒന്‍പതുമണിയോടെ പൊയിനാച്ചി-കുണ്ടംകുഴി പാതയില്‍ പറമ്പില്‍ വച്ചാണ് അപകടം. ചെര്‍ക്കളയിലെ സുഹൃത്തിന്റെ വീട്ടില്‍ പോയി മടങ്ങുമ്പോഴാണ് അപകടം സംഭവിച്ചത്. ഉടന്‍തന്നെ നാട്ടുകാര്‍ ആശുപത്രിയിലെത്തിച്ചെങ്കിലും കൗശിക് മരിച്ചിരുന്നു. മൃതദേഹം കാസര്‍കോട് ജനറലാശുപത്രി മോര്‍ച്ചറിയിലേക്ക് മാറ്റി. ഒപ്പം സഞ്ചരിച്ച കൈലാസിന് നിസാരപരിക്കാണുള്ളത്. സ്‌കൂട്ടര്‍ ഓടിക്കുന്നതിനിടെ കൗശികിന് ഹൃദയാഘാതമുണ്ടായതായും തുടര്‍ന്ന് സ്‌കൂട്ടര്‍ മറിയുകയായിരുന്നുവെന്നും പറയുന്നു. പോസ്റ്റുമോര്‍ട്ടം റിപ്പോര്‍ട്ടിലൂടെ മാത്രമേ മരണകാരണം വ്യക്തമാവുകയുള്ളൂവെന്ന് പൊലീസ് അറിയിച്ചു. മര്‍ച്ചന്റ് നേവിയില്‍ പോകാനാരുങ്ങുന്നതിനെയാണ് കൗശികിനെ മരണം തട്ടിയെടുത്തത്. ബേഡഡുക്കയിലെ സി രവിചന്ദ്രന്റെയും ഗീതയുടെയും മകനാണ്. സഹോദരി: ശിഖ
ബൈക്കില്‍ പശു ഇടിച്ചു; റോഡില്‍ തെറിച്ചുവീണ പൊലീസുകാരന് പരിക്ക്
Saturday, 6 September 2025, 15:57
