കാസര്‍കോട്: ബൈക്കില്‍ പശു ഇടിച്ചതിനെ തുടര്‍ന്ന് റോഡിലേക്ക് തെറിച്ചുവീണ സിവില്‍ പൊലീസ് ഉദ്യോഗസ്ഥന് പരിക്ക്. കരിവെള്ളൂര്‍ പെരളം സ്വദേശിയും ചിറ്റാരിക്കാല്‍ പൊലീസ് സ്റ്റേഷനിലെ ഉദ്യോഗസ്ഥനുമായ കെ രഞ്ജിത്ത് കുമാറി(43)നാണ് പരിക്കേറ്റത്. ഡ്യൂട്ടിക്കായി സ്‌റ്റോഷനിലേക്ക് പോകുന്നതിനിടെയാണ് സംഭവം. തിരുവോണ ദിവസം രാവിലെ ഏഴരയോടെ ഭീമനടി പാലക്കുന്നില്‍ വച്ച് പശു ബൈക്കില്‍ ഇടിക്കുകയായിരുന്നു. റോഡിലേക്ക് തെറിച്ചുവീണ് കൈയുടെ തോളിന് പരിക്കേറ്റ യുവാവിനെ പയ്യന്നൂരിലെ സ്വകാര്യ ആശുപത്രിയിലും പിന്നീട് മംഗളൂരുവിലെ സ്വകാര്യ ആശുപത്രിയിലും പ്രവേശിപ്പിക്കുകയായിരുന്നു. ചിറ്റാരിക്കാല്‍ പൊലീസ് കേസെടുത്തു.