ദോഹ: നാട്ടിലേക്ക് മടങ്ങുന്ന ഖത്തര്‍ കെ.എം.സി.സി കാസര്‍കോട് മണ്ഡലം വൈസ് പ്രസിഡന്റും ആക്ടിങ് പ്രസിഡന്റുമായ ഹമീദ് അറന്തോടിന് കെ.എം.സി.സി കാസര്‍കോട് മണ്ഡലവും മധൂര്‍ പഞ്ചായത്തും ചേര്‍ന്ന് യാത്രയയപ്പ് നല്‍കി.
തുമാമ കെ.എം.സി.സി ആസ്ഥാനത്ത് നടന്ന യോഗം ജില്ലാ ആക്ടിങ് പ്രസിഡന്റ് നാസര്‍ കൈതക്കാട് ഉദ്ഘാടനം ചെയ്തു. ഷഫീക് ചെങ്കളം, മണ്ഡലം ഭാരവാഹികളായ റഷീദ് ബാലടുക, ഷാകിര്‍ കാപ്പി, ബഷീര്‍ ബംബ്രാണി പ്രസംഗിച്ചു.
കാസര്‍കോട് ജില്ലാ കമ്മിറ്റി, മണ്ഡലം കമ്മിറ്റി, മുനിസിപ്പാലിറ്റി, ചെങ്കള, മധൂര്‍, മൊഗ്രാല്‍ പുത്തൂര്‍ പഞ്ചായത്തുകളും മലയോരം മേഖല പഞ്ചായത്ത് കമ്മിറ്റിയും ചേര്‍ന്ന് ഹമീദിനു ഉപഹാരം സമ്മാനിച്ചു.
37 വര്‍ഷത്തെ പ്രവാസജീവിതത്തിന് ശേഷം നാട്ടിലേക്കു മടങ്ങുന്ന പരോപകാരിയും ഉദാരമതിയുമായ ഹമീദിനെ ഹാരിസ് ചൂരി, ഷാനിഫ് പൈക, യൂസുഫ് മാര്‍പ്പനടുക്ക, റഫീക് കുന്നില്‍, നാസര്‍ മഞ്ചേശ്വരം, അബിദ് ഉദിനൂര്‍, മന്‍സൂര്‍ ഉദുമ, സാബിത്ത് തുരുത്തി, ഖലീല്‍ ബെര്‍ക്ക, അന്‍വര്‍ കടവത്ത്, അബ്ദുല്‍ റഹ്‌മാന്‍ ഇ.കെ, ഷെരീഫ് ചൂരി അനുമോദിച്ചു. ഹമീദ് അറന്തോട് നന്ദി പറഞ്ഞു.
ശുഹൈബ് കൊലക്കേസ്; ഉദുമയിലെ കെ പത്മനാഭന് സ്പെഷ്യല് പബ്ലിക് പ്രോസിക്യൂട്ടര്; നിയമന ഉത്തരവിറങ്ങി
Friday, 29 August 2025, 15:30
