തൃശൂര്‍: പനി ബാധിച്ച് വിദ്യാര്‍ത്ഥിനി മരിച്ചു. പുത്തന്‍പീടികയില്‍ തേയ്ക്കാനത്ത് സ്വദേശി ബിജുവിന്റെ മകള്‍ അലക്സിയയാണ് മരിച്ചത്. ചാലക്കുടി സെന്റ് ജെയിംസ് ആശുപത്രിയിലെ ഡി-ഫാം വിദ്യാര്‍ത്ഥിനിയാണ്. പനി ബാധിച്ചതിനെ തുടര്‍ന്ന് കുറച്ച് ദിവസങ്ങളായി ചികിത്സയിലായിരുന്നു അലക്‌സിയ. ചാലക്കുടിയില്‍ നിന്നും വീട്ടിലേക്ക് കൊണ്ടുവന്ന അലക്‌സിയയെ സമീപത്തെ ആശുപത്രിയില്‍ പ്രവേശിപ്പിച്ചിരുന്നു. ഇതിനിടെ നില മോശമായതോടെയാണ് മരണം സംഭവിച്ചത്.
