കാസര്‍കോട്: കാഞ്ഞങ്ങാട്, ചെമ്മട്ടംവയലില്‍ പ്രവര്‍ത്തിക്കുന്ന ജില്ലാആശുപത്രിയില്‍ താല്‍ക്കാലിക സെക്യൂരിറ്റി കം ഡ്രൈവറെ കൊല്ലുമെന്ന് ഭീഷണിപ്പെടുത്തുകയും തള്ളിയിടാന്‍ ശ്രമിക്കുകയും ചെയ്തതായി പരാതി. അജാനൂര്‍, ഇട്ടമ്മല്‍, കുശാല്‍ നഗറിലെ രാജീവന്റെ പരാതിയില്‍ പുല്ലൂര്‍-പെരിയ പഞ്ചായത്ത് പ്രസിഡണ്ട് സി.കെ. അരവിന്ദാക്ഷനെതിരെ ഹൊസ്ദുര്‍ഗ്ഗ് പൊലീസ് കേസെടുത്തു. ചൊവ്വാഴ്ച രാത്രി ഒന്‍പതു മണിയോടെയാണ് കേസിനാസ്പദമായ സംഭവം. അത്യാഹിത വിഭാഗത്തില്‍ സെക്യൂരിറ്റിയായി ജോലി ചെയ്യുകയായിരുന്നു പരാതിക്കാരന്‍. ഈ സമയത്ത് എത്തിയ സി.കെ. അരവിന്ദാക്ഷന്‍ അനുമതി ഇല്ലാതെ അകത്തു കടക്കാന്‍ ശ്രമിച്ചത് ചോദ്യം ചെയ്തപ്പോഴാണ് ഭീഷണിപ്പെടുത്തിയതെന്ന് ഹൊസ്ദുര്‍ഗ്ഗ് പൊലീസ് രജിസ്റ്റര്‍ ചെയ്ത കേസില്‍ പറയുന്നു.
ബാനം ചെന്നക്കോട്ടെ എസ്.കെ ദാമോദരൻ അന്തരിച്ചു; സംസ്കാരം നാളെ
Friday, 8 August 2025, 7:23
