പയ്യന്നൂര്‍: പഴയങ്ങാടി ചെമ്പല്ലിക്കുണ്ടില്‍ രണ്ടരവയസുള്ള കുഞ്ഞുമായി പുഴയില്‍ ചാടിയ മാതാവിന്റെ മൃതദേഹം ലഭിച്ചു. വേങ്ങര സ്വദേശിനി എംവി റിമയാണ് രണ്ടര വയസുളള മകനുമായി പുഴയിലേക്ക് ചാടിയത്. ഞായറാഴ്ച പുലര്‍ച്ചെ ഒരു മണിയോടെയാണ് സംഭവമുണ്ടായത്. സ്‌കൂട്ടറില്‍ കുഞ്ഞുമായി വന്ന് പുഴയിലേക്ക് ചാടുകയായിരുന്നു. മത്സ്യബന്ധനത്തിന് എത്തിയ തൊഴിലാളികളാണ് സംഭവം കണ്ടത്. ഇവരാണ് പൊലീസില്‍ വിവരമറിയിച്ചത്. നാട്ടുകാരും ഫയര്‍ഫോഴ്‌സും ചേര്‍ന്ന് നടത്തിയ തെരച്ചിലിനൊടുവിലാണ് മാതാവിന്റെ മൃതദേഹം കണ്ടെത്തിയത്. കുഞ്ഞിനായി തിരച്ചില്‍ തുടരുകയാണ്. ശക്തമായ മഴയായും പുഴയിലെ അടിയൊഴുക്കും രക്ഷാപ്രവര്‍ത്തനം ബാധിക്കുന്നുണ്ട്.
