മാനന്തവാടി: പാമ്പുകടിയേറ്റ് പ്ലസ് വണ്‍ വിദ്യാര്‍ത്ഥിനി മരിച്ചു. മാനന്തവാടി വള്ളിയൂര്‍ക്കാവ് കാവ്കുന്ന് പുള്ളില്‍ വൈഗ വിനോദ്(16) ആണ് മരിച്ചത്. മാനന്തവാടി ആറാട്ടുതറ ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ വിദ്യാര്‍ത്ഥിനിയായിരുന്നു. പാമ്പു കടയേറ്റത് കുട്ടിയോ വീട്ടുകാരോ അറിഞ്ഞിരുന്നില്ലെന്നാണ് പ്രാഥമിക വിവരം. ശാരീരിക അസ്വസ്ഥതകള്‍ അനുഭവപ്പെട്ടതിനെ തുടര്‍ന്നാണ് വൈഗ ആശുപത്രിയിലേക്ക് പോയത്. ആശുപത്രിയിലെ പരിശോധനയില്‍ വിഷബാധയേറ്റിട്ടുണ്ടെന്ന് വ്യക്തമായി. കാലില്‍ പാമ്പു കടിയേറ്റ പാടും കണ്ടു. ഉടന്‍ പ്രാഥമിക ചികിത്സ നല്‍കിയെങ്കിലും കുട്ടി അതീവ ഗുരുതരാവസ്ഥയിലായി. തുടര്‍ന്ന് വിദഗ്ധ ചികിത്സയ്ക്കായി മേപ്പാടിയിലെ സ്വകാര്യ മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. പിതാവ്: വിനോദ്, മാതാവ്: വിനീത. സഹോദരി: കൃഷ്ണപ്രിയ.
പിണറായി ഭരണം സംസ്ഥാനത്തെ കുട്ടിച്ചോറാക്കി: എം എല്‍ അശ്വിനി
Sunday, 3 August 2025, 15:54
