-പി പി ചെറിയാന്‍
സൗത്ത് കരോലിന: സൗത്ത് കരോലിനയിലെ ഒരു ബീച്ചില്‍ നീന്തുന്നതിനിടെ ഇടിമിന്നലേറ്റ് ഇരുപത് പേര്‍ക്ക് പരിക്കേറ്റു.
ലെക്‌സിംഗ്ടണ്‍ കൗണ്ടിയിലേക്ക് മുറെ ഡാമിന് സമീപമുള്ള ഡൊമിനിയന്‍ ബീച്ച് പാര്‍ക്കിലാണ് അപകടം. ചൊവ്വാഴ്ച വൈകുന്നേരം 5 മണിയോടെയാണ് സംഭവം നടന്നതെന്ന് ഉദ്യോഗസ്ഥര്‍ അറിയിച്ചു.
പോലീസ് സ്ഥലത്തെത്തിയപ്പോള്‍, എട്ട് മുതിര്‍ന്നവരും 12 പ്രായപൂര്‍ത്തിയാകാത്തവരുമായ 20 പേരെ പരിക്കേറ്റ നിലയില്‍ കണ്ടെത്തുകയായിരുന്നു.
പതിനെട്ട് പേര്‍ക്ക് സംഭവസ്ഥലത്ത് ചികിത്സ നല്‍കി വിട്ടു. 12 പേരെ പരിക്കുകളോടെ മൂന്ന് പ്രാദേശിക ആശുപത്രികളിലേക്ക് അയച്ചു. ഈ വര്‍ഷം ഇതുവരെ യുഎസില്‍ ഇടിമിന്നല്‍ മൂലം നാലു പേര്‍ മരിച്ചു.
