തിരുവനന്തപുരം: ശാരീരിക അസ്വസ്ഥതകളെ തുടര്‍ന്ന് തിരുവനന്തപുരത്തെ സ്വകാര്യ ആശുപത്രിയില്‍ ചികിത്സയില്‍ കഴിയുന്ന മുന്‍ മുഖ്യമന്ത്രിയും സിപിഎമ്മിന്റെ സ്ഥാപക നേതാക്കളില്‍ ഒരാളുമായ വി.എസ് അച്യുതാനന്ദനെ മുഖ്യമന്ത്രി പിണറായി വിജയന്‍ സന്ദര്‍ശിച്ചു. ചൊവ്വാഴ്ച ഉച്ചയ്ക്ക് 11.30 മണിയോടെയാണ് മുഖ്യമന്ത്രി എത്തിയത്. ചുരുക്കം സമയം വി.എസിനു അരികില്‍ നിന്ന ശേഷം പുറത്തിറങ്ങിയ മുഖ്യമന്ത്രി പ്രതികരിക്കാന്‍ തയ്യാറായില്ല.
തിങ്കളാഴ്ച രാവിലെയാണ് വിഎസിനെ ശാരീരിക അസ്വസ്ഥതകളെ തുടര്‍ന്ന് ആശുപത്രിയില്‍ പ്രവേശിപ്പിച്ചത്. വെന്റിലേറ്ററിന്റെ ഭാഗീക സഹായത്തോടെയാണ് വിഎസ് ആശുപത്രിയില്‍ കഴിയുന്നതെന്നാണ് ആശുപത്രി വൃത്തങ്ങള്‍ നല്‍കുന്ന സൂചന. മെഡിക്കല്‍ ബോര്‍ഡ് യോഗം ചേര്‍ന്ന് ബുള്ളറ്റിന്‍ പുറപ്പെടുവിക്കുമെന്നാണ് പ്രതീക്ഷിക്കുന്നത്.
ചികിത്സയില്‍ കഴിയുന്ന വിഎസിനെ തിങ്കളാഴ്ച സിപിഎം ജനറല്‍ സെക്രട്ടറി എംഎ ബേബി, സംസ്ഥാന സെക്രട്ടറി എം.വി ഗോവിന്ദന്‍, സിപിഐ സംസ്ഥാന സെക്രട്ടറി ബിനോയ് വിശ്വം തുടങ്ങിയവര്‍ സന്ദര്‍ശിച്ചിരുന്നു.
ആറുമാസം മുമ്പു എറണാകുളത്തേക്കു പോയ 60 കാരനെ കാണാതായി; വിവരം ലഭിക്കുന്നവര് അറിയിക്കണമെന്നു പൊലീസ് അഭ്യര്ത്ഥന
Saturday, 28 June 2025, 16:46
