തിരൂർ: കുടുംബാംഗങ്ങളുമൊത്ത് വീടിനു സമീപത്തെ കായലിൽ കുളിക്കാനിറങ്ങിയ വിദ്യാർഥിനി മുങ്ങി മരിച്ചു. പാറപറമ്പിൽ മുസ്തഫ, നജ്ലാബി ദമ്പതികളുടെ മകൾ ഫാത്തിമ മിൻഹ (13) ആണ് മരിച്ചത്. വളവന്നൂർ ബാഫഖി സ്കൂളിലെ ഒൻപതാം ക്ലാസ് വിദ്യാർഥിയാണ്. ഞായറാഴ്ച ഉച്ചയ്ക്കാണ് അപകടം. മറ്റ് കുടുംബാംഗങ്ങൾക്കൊപ്പം വീടിനു സമീപത്തെ കായലിൽ കുളിക്കുന്നതിനിടെ മുങ്ങി പോയി. തുടർന്ന് കരയ്ക്കെത്തിച്ചെങ്കിലും ജീവൻ രക്ഷിക്കാനായില്ല. അലി ഫർഹാൻ, മിസ്ന ഫാത്തിമ എന്നിവർ സഹോദരങ്ങളാണ്.