ടെൽ അവീവ് / ടെഹ്റാൻ: ഇറാൻ-ഇസ്രയേൽ സംഘർഷത്തിൽ പങ്കാളിയായി യു.എസ്. ഇറാനിലെ 3 ആണവ കേന്ദ്രങ്ങളിൽ ആക്രമണം നടത്തി യുദ്ധവിമാനങ്ങൾ മടങ്ങിയതായി യു.എസ്. പ്രസിഡന്റ് ഡൊണാൾഡ് ട്രംപ് അറിയിച്ചു. ഫോർദോ, നതാൻസ്, ഇസ്ഹാൻ കേന്ദ്രങ്ങളിലാണ് യു.എസ്. വ്യോമസേന ബി 2 ബോംബർ വിമാനങ്ങൾ ആക്രമണം നടത്തിയത്. നേരത്തേ യുദ്ധത്തിൽ അമേരിക്ക കരസേനയെ വിന്യസിക്കില്ലെന്നും ഇറാന്റെ ആണവ കേന്ദ്രങ്ങളെ നിർവീര്യമാക്കാൻ ഇസ്രയേലിന് ഒറ്റക്ക് സാധിക്കില്ലെന്നും ട്രംപ് പറഞ്ഞിരുന്നു.