പി പി ചെറിയാന്‍
ഗാര്‍ലാന്‍ഡ് (ഡാളസ്): ടെക്‌സസിലെ ഗാര്‍ലന്‍ഡ് പരിസരത്ത് താമസക്കാരെ ഭയപ്പെടുത്തിയിരുന്ന ഒരു വലിയ പാമ്പിനെ മൃഗസംരക്ഷണ ഉദ്യോഗസ്ഥര്‍ പിടിച്ചു. 15 അടി നീളമുള്ള റെറ്റിക്യുലേറ്റഡ് പെരുമ്പാമ്പാണു പിടിയിലായതെന്നു ഉദ്യോഗസ്ഥര്‍ പറഞ്ഞു.
മൃഗസംരക്ഷണ ഉദ്യോഗസ്ഥര്‍ സുരക്ഷിതമായി പാമ്പിനെ പിടികൂടി നീക്കം ചെയ്തു. പെരുമ്പാമ്പ് ആരുടെയോ വളര്‍ത്തുമൃഗമാണെന്ന് കണ്ടെത്തിയതായി ഉദ്യോഗസ്ഥര്‍ പറഞ്ഞു.ഉടമയെ അറിയിച്ചു, ബുധനാഴ്ച പാമ്പിനെ വീണ്ടെടുക്കുമെന്ന് പ്രതീക്ഷിക്കുന്നു.
പാമ്പിനെ ഗാര്‍ലന്‍ഡ് നഗരപരിധിക്ക് പുറത്തേക്ക് കൊണ്ടുപോകുമെന്ന് ഉദ്യോഗസ്ഥര്‍ പറഞ്ഞു.
