കൊച്ചി: വയനാട് ലോക്സഭ ഉപതിരഞ്ഞെടുപ്പ് വിജയം ചോദ്യം ചെയ്തുള്ള ഹർജിയിൽ പ്രിയങ്ക ഗാന്ധി എംപിക്ക് ഹൈക്കോടതി നോട്ടിസ് അയച്ചു. ബിജെപി സ്ഥാനാർഥിയായിരുന്ന നവ്യ ഹരിദാസ് സമർപ്പിച്ച ഹർജിയിലാണ് കോടതി പ്രിയങ്കയോട് വിശദീകരണം തേടിയത്. 2 മാസത്തിനുള്ളിൽ മറുപടി നൽകണമെന്നാണ് നിർദേശം. തിരഞ്ഞെടുപ്പ് സത്യവാങ്മൂലത്തിലെ സ്വത്ത് വിവരങ്ങൾ പൂർണമല്ലെന്നാണ് ഹർജിയിൽ ആരോപിക്കുന്നത്. നാമനിർദേശ പത്രികയിൽ പിശകുണ്ടെന്നും അതിനാൽ തിരഞ്ഞെടുപ്പ് വിജയം റദ്ദാക്കണമെന്നും നവ്യ ആവശ്യപ്പെടുന്നു.