കാസര്‍കോട്: നീര്‍ച്ചാലില്‍ ബൈക്കിടിച്ച് ലോട്ടറിത്തൊഴിലാളിയായ ഗൃഹനാഥന്‍ മരിച്ചു. കണ്ണൂര്‍ ആലക്കോട് സ്വദേശി കാപ്പിമല ഹൗസിലെ സാജു ജോര്‍ജാ(61)ണ് മരിച്ചത്. തിങ്കളാഴ്ച രാത്രി എട്ടോടെ വിഎം നഗര്‍ അപ്പര്‍ ബസാര്‍ നീര്‍ച്ചാലില്‍ വച്ചാണ് അപകടം നടന്നത്. റോഡ് മുറിച്ചുകടക്കുന്നതിനിടെ ബൈക്കിടിക്കുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും മരിച്ചു. മൃതദേഹം കാസര്‍കോട് ജനറല്‍ ആശുപത്രിയിലെ മോര്‍ച്ചറിയിലേക്ക് മാറ്റി. ചൊവ്വാഴ്ച പോസ്റ്റുമോര്‍ട്ടത്തിന് ശേഷം സ്വദേശത്തേക്ക് കൊണ്ടുപോകും. വര്‍ഷങ്ങളായി നീര്‍ച്ചാലിയും പരിസരപ്രദേശങ്ങളിലുമായി നടന്ന് ലോട്ടറി വില്‍പ നടത്തി വരികയായിരുന്നു. പരേതനായ ജോര്‍ജിന്റെയും മേഴ്‌സിയുടെയും മകനാണ്. മകള്‍: ശ്രുതി. സഹോദരന്‍: രാജു ജോര്‍ജ്.