വിയന്ന: ഓസ്ട്രിയന്‍ നഗരമായ ഗ്രാസിലെ ഒരു സ്‌കൂളില്‍ തോക്ക് ധാരി നടത്തിയ വെടിവയ്പ്പില്‍ 9 പേര്‍ കൊല്ലപ്പെട്ടു. നിരവധി പേര്‍ക്ക് പരിക്കേറ്റു. ആക്രമണം നടത്തിയ വിദ്യാര്‍ഥി സ്വയം വെടിയുതിര്‍ത്ത് ആത്മഹത്യ ചെയ്തതായും ശുചിമുറിയില്‍ കണ്ടെത്തിയതായും വിദേശ മാധ്യമങ്ങള്‍ റിപ്പോര്‍ട്ട്‌ചെയ്യുന്നു.
സ്‌കൂളിനുള്ളില്‍ വെടിയൊച്ച കേട്ടതിനെ തുടര്‍ന്ന് ചൊവ്വാഴ്ച രാവിലെ 10 മണി മുതല്‍ നഗരത്തില്‍ ഒരു വലിയ ഓപ്പറേഷന്‍ നടന്നുവരികയാണെന്ന് പൊലീസ് പറഞ്ഞു. വെടിവയ്പ്പില്‍ പരിക്കേറ്റവരില്‍ വിദ്യാര്‍ത്ഥികളും അധ്യാപകരും ഉള്‍പ്പെടുന്നു. പ്രത്യേക സേനയും അടിയന്തര സേവനങ്ങളും സംഭവസ്ഥലത്ത് വേഗത്തില്‍ എത്തിയതായി പൊലീസ് വക്താവ് സാബ്രി യോര്‍ഗണ്‍ സ്ഥിരീകരിച്ചിട്ടില്ല. പ്രദേശത്ത് നിന്നും മാറിനില്‍ക്കണമെന്നും അധികൃതരുടെ നിര്‍ദേശങ്ങള്‍ പാലിക്കണമെന്നുമാണ് പൊലീസ് അറിയിക്കുന്നത്. 2015 ജൂണ്‍ 20-ന് മൂന്ന് പേരുടെ മരണത്തിനിടയാക്കിയ ഗ്രാസ് വെടിവയ്പ്പിന്റെ പത്താം വാര്‍ഷികത്തിന് ദിവസങ്ങള്‍ ബാക്കിയിരിക്കെയാണ് വെടിവയ്പ്പ് നടന്നത്.
പള്ളിക്കരയില് തുരുത്തി സ്വദേശിനിയായ 25 കാരി ട്രെയിന് തട്ടി മരിച്ചു
Sunday, 15 June 2025, 13:03
