കോഴിക്കോട്: വടകരയിൽ തമിഴ്നാട്ടിലേക്കു കടത്തുകയായിരുന്ന 200 ലീറ്റർ മാഹി മദ്യം എക്സൈസ് പിടികൂടി. തിരുപ്പൂർ കാങ്കയം സ്വദേശിയായ ലോറി ഡ്രൈവർ ശങ്കറിനെ അറസ്റ്റ് ചെയ്തു. ലോറിയുടെ പിൻഭാഗത്ത് 23 കേസുകളിലാക്കി സൂക്ഷിച്ചിരുന്ന 276 കുപ്പി വിദേശമദ്യമാണ് പിടികൂടിയത്. ഇന്ന് ഉച്ചയ്ക്ക് 2ന് രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് മദ്യം കണ്ടെത്തിയത്. കണ്ണൂരിൽ ചേന ഇറക്കിയ ശേഷം തമിഴ്നാട്ടിലേക്കു തിരിച്ചു പോകുന്നതിനിടെയാണ് ഇയാൾ മാഹിയിൽ നിന്നും മദ്യം വാങ്ങിയത്.