കാസർകോട്: കാറിന്റെ ഡിക്കിക്ക് മുകളിൽ ഇരുന്ന് യുവാവിന്റെ അപകട യാത്ര. കാസർകോട് കറന്തക്കാട് ദേശീയപാതയിൽ വെള്ളിയാഴ്ച രാത്രിയിലാണ് യുവാവ് അഭ്യാസപ്രകടനം നടത്തിയത്.വാഹനത്തിന് പിന്നിൽ പോകുന്ന വാഹനയാത്രാക്കാരാണ് ഈ ദൃശ്യങ്ങൾ പകർത്തിയത്. കാസർകോട് നിന്ന് മംഗളൂരിലേക്കുള്ള പാതയിലാണ് കിലോമീറ്ററുകളോളം കാറിനു മുകളിൽ ഇരുന്ന് സാഹസിക യാത്ര നടത്തിയത്. കാറിന്റെ നമ്പറും വ്യാജമാണെന്നാണ് വിവരം. അപകട യാത്ര നടത്തിയ യുവാവിനെ പറ്റിയുള്ള വിവരങ്ങളുമായി ബന്ധപ്പെട്ട് എംവിഡി അന്വേഷണം ആരംഭിച്ചിട്ടുണ്ട്.