കാസര്‍കോട്: ഭാരത് ബെന്‍സ് ഗുഡ്സ് കാരിയര്‍ ട്രക്കില്‍ കടത്താന്‍ ശ്രമിച്ച 28 ലിറ്റര്‍ പുതുച്ചേരി നിര്‍മിത വിദേശ മദ്യവുമായി രണ്ടുയുവാക്കള്‍ പിടിയില്‍. കൊല്ലം കുറുമണ്ഡല്‍ സ്വദേശി എല്‍ ലിജിന്‍(30), കൊല്ലം കണ്ണനെല്ലൂര്‍ മുട്ടയ്കാവ് സ്വദേശി ചരുവിള പുത്തന്‍ വീട്ടില്‍ ഡി അഖില്‍(30) എന്നിവരാണ് പിടിയിലായത്. തിങ്കളാഴ്ച രാത്രി 9 മണിയോടെ മാവുങ്കാലില്‍ നടന്ന വാഹന പരിശോധനയിലാണ് മദ്യക്കടത്ത് പിടികൂടിയത്. ഹോസ്ദുര്‍ഗ് എക്‌സൈസ് റെയ്ഞ്ച് ഓഫീസിലെ എക്‌സൈസ് ഇന്‍സ്പെക്ടര്‍ ഇവി ജിഷ്ണുകുമാറും സംഘവും നടത്തിയ റെയ്ഡിലാണ് മദ്യക്കടത്ത് പിടികൂടിയത്. അബ്കാരി കേസെടുത്ത് പ്രതികളെ അറസ്റ്റുചെയ്തു. ചൊവ്വാഴ്ച രാവിലെ ഹൊസ്ദുര്‍ഗ് കോടതിയില്‍ ഹാജരാക്കി. അസിസ്റ്റന്റ് എക്‌സൈസ് ഇന്‍സ്പെക്ടര്‍ (ഗ്രേഡ്) ടി ജയരാജന്‍, പ്രിവന്റീവ് ഓഫീസര്‍ (ഗ്രേഡ്) സി സന്തോഷ് കുമാര്‍, സിവില്‍ എക്‌സൈസ് ഓഫീസര്‍മാരായ കെവി അനീഷ്, മുഹമ്മദ് ജുനൈദ്, വിഎ അജൂബ് എന്നിവരും റെയ്ഡില്‍ പങ്കെടുത്തിരുന്നു.
പെരിയ, പുക്കളത്ത് വീട്ടമ്മ തൂങ്ങി മരിച്ച നിലയില്‍
Thursday, 5 June 2025, 12:18
