കാസർകോട്: 17 കാരനെ വീട്ടിൽ മരിച്ച നിലയിൽ കണ്ടെത്തി. ചെറുവത്തൂര്‍ മുണ്ടക്കണ്ടത്തെ ശ്രീമ നിവാസില്‍ കെ.കിരണ്‍രാജ് ആണ് മരിച്ചത്. തിങ്കളാഴ്ച ഉച്ചയ്ക്ക് 12 ന് വീട്ടിലെ കിടപ്പുമുറിയിലെ ഫാനില്‍ തൂങ്ങിയ നിലയിലായിരുന്നു വീട്ടുകാർ കണ്ടത്. ചന്തേര പൊലീസ് ഇന്‍ക്വസ്റ്റ് നടത്തി. മൃതദേഹം പരിയാരത്തെ കണ്ണൂര്‍ ഗവ.മെഡിക്കല്‍ കോളേജില്‍ പോസ്റ്റ്മോര്‍ട്ടത്തിന് ശേഷം ചൊവ്വാഴ്ച ഉച്ചക്ക് വീട്ടിലെത്തിക്കും. ചെറുവത്തൂര്‍ വെങ്ങാട് സമുദായ ശ്മശാനത്തില്‍ സംസ്‌കരിക്കും. പിലിക്കോട് സി.കൃഷ്ണന്‍നായര്‍ സ്മാരക ഗവ.എച്ച്.എസ്.എസ് വിദ്യാര്‍ത്ഥിയാണ് കിരൺ രാജ്.
വിമുക്തഭടന്‍ രാജന്റെയും നീലേശ്വരം താലൂക്ക് ആശുപത്രി സ്റ്റാഫ് നഴ്സ് മയൂരിയുടെയും മകനാണ്. സഹോദരി: കാശ്മീര.