കാസര്‍കോട്: മാരക മയക്കുമരുന്നായ എംഡിഎംഎയുമായി യുവാവ് അറസ്റ്റില്‍. ബേള, കുഞ്ചാര്‍ ഹൗസിലെ കെ.എ ഇബ്രാഹിം ഇഷ്ഫാഖി (27)നെയാണ് കാസര്‍കോട് ടൗണ്‍ എസ്‌ഐ കെ. രാജീവനും സംഘവും അറസ്റ്റു ചെയ്തത്. ഇയാളില്‍ നിന്നു 1.17 ഗ്രാം എംഡിഎംഎ പിടികൂടി. വ്യാഴാഴ്ച രാത്രി 10.30മണിക്ക് കാസര്‍കോട് കെഎസ്ആര്‍ടിസി ഡിപ്പോയ്ക്ക് സമീപത്തു വച്ചാണ് അറസ്റ്റ്. സംശയകരമായ സാഹചര്യത്തില്‍ കാണപ്പെട്ട ഇബ്രാഹിം ഇഷ്ഫാഫിനെ ചോദ്യം ചെയ്തപ്പോഴാണ് മയക്കുമരുന്നു പിടികൂടിയത്. പട്രോളിംഗ് നടത്തുകയായിരുന്ന പൊലീസിനെ കണ്ട് പരുങ്ങിയതും സ്ഥലത്ത് നിന്നു ധൃതിയില്‍ കടന്നു കളയാന്‍ ശ്രമിച്ചതുമാണ് പൊലീസിന്റെ സംശയത്തിനു ഇടയാക്കിയത്. എസ്‌ഐക്കൊപ്പം സിപിഒമാരായ വിജിത്ത്, സജിലേഷ് എന്നിവരും ഉണ്ടായിരുന്നു.
പള്ളിക്കര റെയില്‍വേ മേല്‍പ്പാലത്തില്‍ ലോറിയും സ്‌കൂട്ടറും കൂട്ടിയിടിച്ച് ജമാഅത്ത് പ്രസിഡണ്ട് മരിച്ചു
Tuesday, 9 September 2025, 15:15
