ചണ്ഡിഗഡ്: പഞ്ചാബില്‍ വീണ്ടും വ്യാജമദ്യ ദുരന്തം; 14 പേര്‍ മരിച്ചു. തേര്‍വാള്‍, മാരി, പടാല്‍പുരി, ഭംഗലി ഗ്രാമങ്ങളില്‍ തിങ്കളാഴ്ച രാത്രിയാണ് സംഭവം. നിരവധി പേര്‍ ആശുപത്രിയില്‍ ചികിത്സ തേടിയിട്ടുണ്ട്. ഇവരില്‍ പലരുടെയും നില ഗുരുതരമാണെന്നാണ് റിപ്പോര്‍ട്ടുകള്‍. സംഭവവുമായി ബന്ധപ്പെട്ട് നാലു പേരെ അറസ്റ്റു ചെയ്തു. ഒരു വര്‍ഷത്തിനുള്ളില്‍ ഇതു മൂന്നാം തവണയാണ് പഞ്ചാബില്‍ വ്യാജമദ്യ ദുരന്തം റിപ്പോര്‍ട്ട് ചെയ്യപ്പെടുന്നത്.