ന്യൂഡെല്‍ഹി: വാണിജ്യാവശ്യങ്ങള്‍ക്കുള്ള പാചകവാതക സിലിണ്ടറിന്റെ വിലയില്‍ 15 രൂപ കുറവു വരുത്തി. 19 കിലോ സിലിണ്ടറിന്റെ വിലയിലാണ് കുറവു വരുത്തിയത്. ഗാര്‍ഹികാവശ്യത്തിനുള്ള പാചകവാതക സിലിണ്ടര്‍ വില കുറച്ചിട്ടില്ല. വാണിജ്യാവശ്യങ്ങള്‍ക്കു പാചക വാതക വിലക്കുറവ് ഇന്നു നിലവില്‍ വന്നു. കഴിഞ്ഞ മാസവും വാണിജ്യാവശ്യത്തിനുള്ള സിലിണ്ടറിന് വില കുറച്ചിരുന്നു. സിലിണ്ടറിന് 41 രൂപയാണ് കുറച്ചിരുന്നത്. അതേ സമയം ഗാര്‍ഹികാവശ്യത്തിനുള്ള പാചകവാതക സിലിണ്ടറിന്റെ വില ഏപ്രിലില്‍ 50 രൂപ വര്‍ധിപ്പിക്കുകയായിരുന്നു.