മംഗ്‌ളൂരു: മംഗ്‌ളൂരുവിലെ പ്രമുഖ ഹോട്ടല്‍ വ്യവസായിയായ കാര്‍ക്കളെയിലെ എന്‍ആര്‍ ദിലീപി(57)നെ കാറിനകത്തു വെടിയേറ്റു മരിച്ച നിലയില്‍ കണ്ടെത്തി. നിട്ടെ, ധൂപതക്കട്ടയിലാണ് കാര്‍ കണ്ടെത്തിയത്. ദിലീപ് സ്വയം നിറയൊഴിച്ച് ആത്മഹത്യ ചെയ്തതാണെന്നു സംശയിക്കുന്നു. നിറയൊഴിക്കും മുമ്പ് വിഷം കഴിച്ചതായും സംശയിക്കുന്നു. കടുത്ത സാമ്പത്തിക പ്രതിസന്ധി കാരണം ജീവിതം അവസാനിപ്പിക്കുന്നതായുള്ള സന്ദേശം സാമൂഹ്യ മാധ്യമങ്ങളിലൂടെ പങ്കുവച്ചതിനു ശേഷമാണ് നിറയൊഴിച്ചതെന്നു പൊലീസ് അന്വേഷണത്തില്‍ കണ്ടെത്തിയിട്ടുണ്ട്. നേരത്തെ ഹൈദരാബാദില്‍ ബിസിനസ് നടത്തിയിരുന്ന ദിലീപ് അടുത്ത കാലത്താണ് മംഗ്‌ളൂരുവില്‍ എത്തിയത്.