കാസര്‍കോട്: വീട്ടില്‍ അമ്മയില്ലാത്ത നേരത്ത് പത്തുവയസ്സുകാരനെ രണ്ടാനച്ഛന്‍ പീഡിപ്പിച്ചതായി പരാതി. മഞ്ചേശ്വരം പൊലീസ് സ്റ്റേഷന്‍ പരിധിയിലാണ് സംഭവം. അമ്മ തിരിച്ചെത്തിയപ്പോഴാണ് പീഡനവിവരം പുറത്തായത്. തുടര്‍ന്ന് മാതാവ് മഞ്ചേശ്വരം പൊലീസില്‍ പരാതി നല്‍കി. രണ്ടാനച്ഛനെതിരെ മഞ്ചേശ്വരം പൊലീസ് പോക്‌സോ പ്രകാരം കേസെടുത്തു. ഈ വിവരം അറിഞ്ഞതോടെ രണ്ടാനച്ഛന്‍ ഒളിവില്‍ പോയി. ഇയാളെ കണ്ടെത്താന്‍ പൊലീസ് അന്വേഷണം ഊര്‍ജ്ജിതമാക്കി.