ഡല്‍ഹി: വഖഫ് നിയമ ഭേദഗതിക്കെതിരെ സുപ്രിംകോടതിയെ സമീപിച്ച് ബിജെപിയുടെ സഖ്യകക്ഷി നേതാവ്. ജെഡിയു നേതാവും ന്യൂനപക്ഷ സംവരണ മുന്നണി പ്രസിഡന്റുമായ മുഹമ്മദ് പര്‍വേശ് സിദ്ദിഖിയാണ് ഹര്‍ജി നല്‍കിയത്. വിഷയത്തില്‍ ജെഡിയു നിലപാടുമായി യോജിക്കാനാകാത്തതിനാലാണ് ഹര്‍ജി നല്‍കിയതെന്നും പാര്‍ട്ടിയില്‍ തുടര്‍ന്നു കൊണ്ട് നിയമപോരാട്ടം തുടരുമെന്നും സിദ്ദിഖി പ്രതികരിച്ചു.
പാര്‍ലമെന്റില്‍ വഖഫ് ബില്ലിനെ അനുകൂലിച്ചതിനെ ചൊല്ലി ജെഡിയുവില്‍ കലഹം രൂക്ഷമാകുന്നതിനിടെയാണ് നടപടി. ബിജെപിയെ പ്രീതിപ്പെടുത്താന്‍ പാര്‍ട്ടിയുടെ മതേതര നിലപാടുകളില്‍ ചില നേതാക്കള്‍ വെള്ളം ചേര്‍ത്തതായി ഒരു പക്ഷം വാദിക്കുന്നു. ബിഹാറില്‍ ഈ വര്‍ഷം തിരഞ്ഞെടുപ്പ് നടക്കാനിരിക്കെ അടിയന്തര പ്രശ്‌ന പരിഹാരത്തിനു മുഖ്യമന്ത്രി നിതീഷ് കുമാര്‍ ശ്രമം തുടങ്ങിയിട്ടുണ്ട്.
കറന്തക്കാട് ദേശീയപാതയിൽ കാറിന്റെ ഡിക്കിയിലിരുന്ന് യുവാവിന്റെ അപകടയാത്ര, അന്വേഷണം ആരംഭിച്ച് എം.വി.ഡി
Saturday, 7 June 2025, 20:35
