കാസര്‍കോട്: പ്രായപൂര്‍ത്തിയാകാത്ത പെണ്‍കുട്ടിയുടെ ചിത്രങ്ങള്‍ മോര്‍ഫ് ചെയ്ത് നഗ്നചിത്രങ്ങളാക്കി പ്രചരിപ്പിച്ചുവെന്ന പരാതിയില്‍ പോക്‌സോ പ്രകാരം കേസെടുത്തു. ബദിയഡുക്ക പൊലീസ് സ്റ്റേഷന്‍ പരിധിയിലെ ഒരു യുവാവിനെതിരെ കാസര്‍കോട് സൈബര്‍ പൊലീസാണ് കേസ് രജിസ്റ്റര്‍ ചെയ്തത്. പ്രതിയാരാണെന്നു അറിയാത്തതിനാല്‍ ചിത്രങ്ങള്‍ പ്രചരിപ്പിക്കുനവാന്‍ ഉപയോഗിച്ച മൂന്നു ഫോണ്‍ നമ്പറുകളാണ് പരാതിയോടൊപ്പം നല്‍കിയിരുന്നത്. സൈബര്‍ പൊലീസ് നടത്തിയ അന്വേഷണത്തില്‍ കുറ്റകൃത്യം നടന്നത് ബദിയഡുക്ക പൊലീസ് സ്റ്റേഷന്‍ പരിധിയില്‍ വച്ചാണെന്നു കണ്ടെത്തുകയായിരുന്നു. തുടര്‍ന്നാണ് കേസ് ബദിയഡുക്കയിലേക്ക് കൈമാറിയത്. പ്രതിയെ കണ്ടെത്താന്‍ പൊലീസ് അന്വേഷണം ഊര്‍ജ്ജിതമാക്കി.
ഭാര്യയുമായുള്ള പിണക്കം; കൊടക്കാട് വെള്ളച്ചാലിലെ ജെസിബി ഉടമയായ യുവാവ് വീട്ടില് തൂങ്ങി മരിച്ചു
Sunday, 1 June 2025, 12:39
