25-ാം വിവാഹ വാര്‍ഷിക ദിനത്തില്‍ ഭാര്യയോടൊപ്പം നൃത്തം ചെയ്യുന്നതിനിടെ ഭര്‍ത്താവ് കുഴഞ്ഞുവീണ് മരിച്ചു. ഉത്തര്‍പ്രദേശിലെ ബറേലിയിലെ ഒരു വിവാഹ മണ്ഡപത്തിലാണ് സംഭവം നടന്നത്. 50 വയസ്സുകാരനായ വസീം സര്‍വത് ആണ് മരിച്ചത്. ഭാര്യ ഫറയുമൊത്തുള്ള ആഘോഷ നിമിഷം നിലത്തുവീഴുകയായിരുന്നു. ഉടന്‍ തന്നെ അദ്ദേഹത്തെ അടുത്തുള്ള ആശുപത്രിയിലേക്ക് കൊണ്ടുപോയെങ്കിലും മരിച്ചിരുന്നു. കുഴഞ്ഞുവീഴുന്ന വിഡിയോ ഇപ്പോള്‍ സോഷ്യല്‍ മീഡിയിയില്‍ വൈറലാണ്.